Ці ведаеце вы фільмы, якія могуць кінуць выклік традыцыйнаму разуменню кіно і пакінуць незабыўнае ўражанне? Мы сабралі ў адзін артыкул шэраг унікальных фільмаў з аўтарскага кіно, якія вылучаюцца сваёй незвычайнай эстэтыкай, нетрадыцыйным падыходам да аповеду і глыбокім сімвалізмам.
PALATNO расказвае пра добрыя, незвычайныя аўтарскія фільмы.
Змест
Насферату – прывід ночы (Nosferatu: Phantom der Nacht)
Год: 1979
Рэжысёр: Вэрнэр Херцог
Гэта рэмэйк класічнага нямецкага фільма жахаў «Насферату». Рэжысёр Вэрнэр Херцог уносіць у фільмы элементы сюррэалізму і экзістэнцыялізму, так ён стварыў выдатную атмасферу трывожнасці і невымоўнага страху.
Андалузскі сабака (Un Chien Andalou)
Год: 1929
Рэжысёр: Луіс Бунюэль, Сальвадор Далі
Гэта адзіны ў нашым спісе не поўнаметражны фільм. Сюррэалістычная караткаметражка не мае лагічнага сюжэту і перанасычаная знакавымі вобразамі, што кідаюць выклік традыцыйнаму мысленню і ўспрыманню не толькі кінематографа.
У мінулым годзе ў Марыенбадзе (L’Année dernière à Marienbad)
Год: 1961
Рэжысёр: Ален Рэнэ
Фільм даследуе тэмы рэчаіснасці і ўяўлення, ён змешвае рэальнае і фантастычнае ў складаныя і незвычайныя сюжэтныя лініі. Падзеі закручваюцца на імпрэзе, дзе мужчына сустракаецца з жанчынай і кажа, што яны раней сустракаліся, але жанчына не можа ўспомніць гэтага. Флэшбэкі, якія неаднаразова ўкідваюць стваральнікі фільму, даюць разуменне гледачу, што сустрэча была (ці не была?).
Антыхрыст (Antichrist)
Год: 2009
Рэжысёр: Ларс фон Трыер
Псіхалагічны фільм жахаў даследуе тэмы смутку, віны і чалавечай прыроды праз візуальныя вобразы. Гэтыя вобразы, што стварыў Ларс фон Трыер, адначасова жудасныя і прыгожыя. Гісторыя пачынаецца з трагічнай смерці сына пары: пасля муж імкнецца дапамагчы сваёй жонцы перажыць трагедыю ў іх загарадным доме пад назвай «Эдэм».
Голем (Der Golem, Wie er in die Welt kam)
Год: 1920
Рэжысёр: Паўль Вегэнэр, Карл Бэзэ
Экспрэсіяністкі нямы фільм, сюжэт якога базуецца на вядомай яўрэйскай легендзе пра гліняную статую, што ажывае дзякуючы магіі. Гісторыя пачынаецца пасля таго, як імператар хоча выгнаць яўрэяў з гета з-за магічных практык. Вядома, яўрэі ніякай магіі не практыкуюць, аднак звяртаюцца да яе, каб іх пакінулі ў дамах.
Галава-ласцік (Erasehead)
Год: 1977
Рэжысёр: Дэвід Лінч
Гэта першы поўнаметражны фільм Дэвіда Лінча. У іх змешаныя жах, сюррэалізм і экзістэнцыялізм. Амаль праз трыццаць гадоў пасля выхаду фільма амерыканскі Кангрэс прызнаў яго «культурна значным». Галоўнага героя Генры Спэнсэра просіць яго сяброўка даглядаць за дзіцём – дзіўнай істотай з жахліва дэфармаваным целам.
Канспіратары асалоды (Spiklenci slasti)
Год: 1994
Рэжысёр: Ян Шванкмаер
Фільм расказвае пра групу людзей, у кожнага з якіх ёсць свае незвычайныя і эксцэнтрычныя сексуальныя фетышы. Героі жывуць побач адзін з адным у шмпатпавярхоўцы і ўтойваюць свае фантазіі. Аднак іх захапленні пачынаюць перасякацца, што прыводзіць да серыі бязглуздых і часам трывожных падзей.