1990-я гады сталі залатым часам для трылераў — напружаных і з нечаканымі паваротамі, з глыбокай псіхалогіяй і персанажамі. Гэта былі фільмы, якія не проста забаўлялі, а прымушалі гледачоў думаць, адчуваць, баяцца і захапляцца.
PALATNO расказвае пра фільмы з 1990-х, якія варта паглядзець.
Змест
«Маўчанне ягнят» (The Silence of the Lambs)
Год: 1991
Рэжысёр: Джонатан Дэм
Гэта не проста трылер, а майстар-клас па таму, як ствараць напружанне і акунуць у псіхалагічную глыбіню. Знакаміты псіхіятр і канібал Ганібал Лектар (ролю выконвае Энтані Хопкінс) стаў адным з самых складаных і харызматычных антаганістаў у гісторыі кінематографа. Гераіня Джодзі Фостэр — Кларыса Старлінг — уразлівая, але рашучая агентка ФБР, якая імкнецца пабудаваць кар’еру.
Сюжэт. Кларыса Старлінг з’яўляецца курсанткай ФБР, яна атрымлівае спецыяльнае заданне звярнуцца да зняволенага серыйнага забойцы, доктара Ганібала Лектара. Мэта — атрымаць інфармацыю, якая дапаможа знайсці іншага серыйнага забойцу «Буфала Біла». Паступова паміж Кларысай і Ганібалам развіваецца складаная псіхалагічная сувязь, поўная маніпуляцый і прыхаваных намераў.
«Сем» (Se7en)
Год: 1995
Рэжысёр: Дэвід Фінчэр
Фільм разбурае стэрэатыпы пра паліцэйскія дэтэктывы і насалоджваецца сваёй бязлітасцю. Гэты фільм заканчваецца адным з самых шакавальных фіналаў у гісторыі кіно. Стужка разважае пра зло, справядлівасць і тое, што можа прымусіць чалавека пераступіць мяжу. І, вядома, фраза «What’s in the box?» стала сапраўды легендарнай.
Сюжэт. У неназваным змрочным горадзе двое дэтэктываў — стары ветэран Самерсэт і малады Мілз — расследуюць серыю жудасных забойстваў. Кожнае злачынства звязана з адным з сямі смяротных грахоў. Пакуль дэтэктывы збіраюць мазаіку, злачынца гуляе з імі і пакідае для іх загадкі.
«Шостае пачуццё» (The Sixth Sense)
Год: 1999
Рэжысёр: М. Найт Ш’ямалан
Гэты фільм з’яўляецца глыбокай чалавечай гісторыяй, замаскіраванай пад містычны трылер з адным з самых вядомых «твіст-эндаў» у гісторыі кіно. Нарэшце, у гэтым фільме Брус Уіліс не звычайны экшн-герой, а разумны і спагадлівы герой.
Сюжэт. Доктар Малкальм Кроў працуе дзіцячым псіхолагам і дапамагае хлопчыку Коўлу, які сцвярджае, што бачыць мёртвых. Ён расказвае, што духі прыходзяць да яго і просяць дапамогі, бо не ведаюць, што ўжо памерлі. Кроў спрабуе разабрацца, што адбываецца з хлопцам. Паступова доктар пачынае разумець, што за гісторыяй хлопчыка хаваецца жудасная праўда.
ЧЫТАЙЦЕ ЯШЧЭ: Фільмы-загадкі з нечаканай канцоўкай. Лепшае з фільмаграфіі М. Найта Ш’ямалана
«Heat»
Год: 1995
Рэжысёр: Майкл Ман
Фільм вывучае жыццё на абодвух баках закона, і ў гэтым фільме ёсць магутныя экшн-сцэны. Аль Пачына і Роберт Дэ Ніра ўпершыню з’яўляюцца разам у кадры, а сцэна іх размовы ў кавярні стала класікай.
Сюжэт. Ніл Макколі з’яўляецца прафесійным злачынцам, які рыхтуе апошняе і ідэальнае рабаванне. Вінсэнт Ханна — дэтэктыў, які апантаны паляваннем за злачынцамі, гатовы забыцца пра сям’ю дзеля працы. Макколі і Ханна — адлюстраванні адзін аднаго, іх сутыкненне непазбежнае, але прасякнутае ўзаемнай павагай.
«Гульня» (The Game)
Год: 1997
Рэжысёр: Дэвід Фінчэр
Калі вы шукаеце фільм, які прымусіць пастаянна сумнявацца ў тым, што адбываецца, і захавае напружанне да апошняй хвіліны — гэта ён. Галоўны герой, ролю якога выконвае Майкл Дуглас, атрымлівае падарунак, які ператварае яго жыццё ў зусім непрадказальную гульню. Глядач разам з ім губляецца ў рэальнасці і спрабуе зразумець, што ж адбываецца.
Сюжэт. Нікалас Ван Ортан працуе банкірам, кантралюе ўсё вакол сябе. На дзень нараджэння брат дорыць Нікаласу сертыфікат на ўдзел у таямнічай гульні, у якой абяцаюць змяніць жыццё. Здавалася б, гэта проста забава, але хутка Нікалас разумее, што губляе кантроль: яму пагражае небяспека, а жыццё павольна развальваецца.