Колькі дзён у лютым… у гэтым годзе? Прызнайцеся, што гэта пытанне ўзнікала ў вашай галаве раз-пораз. Чаму так здарылася, што колькасць дзён менавіта ў гэтым месяцы можа змяняцца? Калі гэта пачалося?
PALATNO расказвае пра самы загадкавы месяц года.
Ва ўсім вінаваты рымляне?
Люты з’яўляецца самым кароткім месяцам года ў грыгарыянскім календары. У звычайны год у лютым 28 дзён, а ў высакосны — 29 дзён. Каб зразумець, чаму менавіта люты «церпіць» ад недахопу дзён, трэба паглядзець на гісторыю календара.
Першапачаткова старажытныя рымляне карысталіся месячным календаром, які меў 10 месяцаў (сакавік-снежань). Год пачынаўся ў сакавіку, а колькасць дзён у месяцы магла змяняцца па палітычных або рэлігійных прычынах.
Такая сістэма не надта «сябравала» з натуральнымі астранамічнымі цыкламі. Таму прыблізна ў 713 годзе да нашай эры Нума Пампілій дадаў яшчэ два месяцы — студзень і люты, каб наблізіць год да патрэбнай працягласці.
Самы кароткі месяц
Спачатку месяцам давалі няроўную колькасць дзён, бо рымляне верылі, што цотныя лічбы прыносяць няшчасце. З-за гэтага месяцы мелі няцотную колькасць дзён.
Люты стаў тым месяцам, які «пакутаваў»: яму далі 28 дзён, каб збалансаваць агульную працягласць года.
У 46 годзе да нашай эры Юлій Цэзар правёў рэформу календара, які стаў юліянскім. Тады і вырашылі дадаваць адзін дзень кожныя чатыры гады да аднаго з месяцаў, каб скарэктаваць розніцу з фактычным астранамічным годам. Дадатковы дзень дадалі да лютага, бо ён ужо тады лічыўся месяцам «карэкцыі».
У 1582 годзе быў уведзены грыгарыянскі каляндар, які замяніў юліянскі: люты так і застаўся месяцам, у якім раз на чатыры гады дадаецца яшчэ адзін дзень.
ЧЫТАЙЦЕ ЯШЧЭ:
«Перайсці Рубікон» — што значыць гэта фраза?
Інтрыгі, палітыка і смерці. Як раней выбіралі Папу Рымскага?
«Ячменныя людзі». Як харчаваліся гладыятары