Рашэнне, якое мы не можам змяніць. Крок, які вырашае далейшы шлях… Гэта ўсё можна апісаць адной фразай — «перайсці Рубікон».
PALATNO расказвае, адкуль яна ўзялася.
Паходжанне фразы
Фраза паходзіць з гісторыі Старажытнага Рыма. У 49 годзе да нашай эры Юлій Цэзар перайшоў раку Рубікон, якая вызначала мяжу паміж Рымскай імперыяй і яе правінцыямі. Згодна з законамі, Цэзар не меў права ўводзіць войскі праз Рубікон. Гэты крок лічыўся адкрытым выклікам Сенату. Цэзар прыняў гэта рашэнне з выразам «alea iacta est» (лац. «жэрабя кінутае»).
Пераход Цэзарам Рубікона стаў пачаткам грамадзянскай вайны, якая ў выніку прывяла да падзення Рымскай рэспублікі і ўсталявання імперыі.
«Перайсці Рубікон» азначае, што пасля зробленага кроку ўсё змяняецца, а вяртанне да папярэдняга стану ўжо немагчымае. Гэта метафара для важнага, радыкальнага рашэнне, якое патрабуе ад чалавека смеласці і гатоўнасці сутыкнуцца з наступствамі.
У сучаснасці фразу таксама ўжываюць
У сучаснасці фраза дагэтуль застаецца папулярнай, яе выкарыстоўваюць у розных кантэкстах. Напрыклад, калі мы кажам пра палітыку, то «перайсці Рубікон» можа азначаць радыкальнае змяненне курсу дзяржавы ці палітыкі. У асабістым жыцці чалавек прымае важнае рашэнне (змяняе працу, пачынае новы праект, робіць значны крок у адносінах) — гэта таксама «перайсці Рубікон».
ЧЫТАЙЦЕ ЯШЧЭ:
Інтрыгі, палітыка і смерці. Як раней выбіралі Папу Рымскага?
Як прымірыць і аб’яднаць нацыю? Прыклад Мандэлы і Паўднёва-Афрыканскай Рэспублікі
Цырыманіялы, мяцяж і забойства. Як швейцарцы сталі галоўнымі ахоўнікамі Папы Рымскага