PALATNO вывучала, якую музыку беларусы слухалі ў гэтым верасні.
Змест
- 1. Пошлая Молли — Адская колыбельная
- 2. Fallen 777 Angel — гладиатор/рыцарь
- 3. Jimin — Who
- 4. Big Baby Tape — Ameli
- 5. Big Baby Tape — Turbo
- 6. Big Baby Tape — Supersonic
- 7. Aarne, Bushido Zho, Liza Evans — Ревную
- 8. Jung Kook — Seven
- 9. Friendly Thug 52 Ngg — Lost Angeles
- 10. Пошлая Молли — Контракт
- А што яшчэ?
1. Пошлая Молли — Адская колыбельная
На першым месцы па выніках верасня знаходзіцца гурт «Пошлая Молли» з трэкам «Адская колыбельная». Гурт выпусціў песню 1 верасня, і вось на працягу месяца ён трымаецца на першым радку і ў Spotify, і ў Yandex. Для гурта гэты рэліз быў доўгачаканым, бо апошні раз «Пошлая Молли» выпускала песні некалькі гадоў таму.
Нагадаем, што «Пошлая Молли» ўкраінскі гурт. Ва ўкраінскіх медыя асудзілі гурт за музыку на рускай мове і тым, што музыкі апублікавалі песню на рускіх музычных платформах.
2. Fallen 777 Angel — гладиатор/рыцарь
На другім месцы песня ад Fallen 777 Angel. Музыка аўтара з’явілася ўпершыню на платформах Soundcloud, яе актыўна распаўсюджвалі карыстальнікі TikTok. З часам яго музыка вырвалася з-за межы тыктокавай прасторы і апынулася ў плэйлістах беларусаў.
3. Jimin — Who
Чымін — музыка з Паўднёвай Карэі, вакаліст у папулярным гурце BTS. Чымін запісаў свой другі сольны альбом пад назвай Muse, з якого і прыйшла да беларусаў у плэйлісты песня Who.
4. Big Baby Tape — Ameli
Рускі рэпер Big Baby Tape (Ягор Ракіткін) займае чацвёрты радок з песняй Ameli.
Ён адзін з музыкаў, які выказваўся супраць вайны ва Украіне, за што яго пераследавалі расійскія ўлады. Аднак ён працягвае паспяхова выступаць у Расіі.
5. Big Baby Tape — Turbo
На пятым месцы таксама Big Baby Tape з песняй Turbo. Лічыцца, што гэтая песня з’яўляецца рэкламнай. Рэпер рэкламаваў праект Majestic RP — гэта ролевая гульня, створаная на аснове GTA V.
6. Big Baby Tape — Supersonic
І апошняя песня Big Baby Tape у дзясятцы пад назвай Supersonic. Песня была створаная ў супрацоўніцтве з іншым расійскім рэперам Aarne. Трэк апошняга, але ўжо без Big Baby Tape, таксама адзін з самых праслухоўваемых у верасні ў беларускіх слухачоў.
7. Aarne, Bushido Zho, Liza Evans — Ревную
Песня выйшла яшчэ ў жніўні, аднак стабільна трымалася ў рэйтынгах.
8. Jung Kook — Seven
Джонгук яшчэ адзін паўднёвакарэйскі музыка. Ён таксама быў членам гурта BTS, але пачаў сваю сольную кар’еру. Песня Seven з дэбютнага альбома Джонгука, які выйшаў у лістападзе 2023 года.
9. Friendly Thug 52 Ngg — Lost Angeles
Андэрграўдны расійскі рэпер з трэкам Lost Angeles займае дзевяты радок. Песня выйшла яшчэ ў мінулым годзе. Вядома, што музыка не вырашаўся публікаваць яе каля года, хаця яна ўжо была напісаная.
10. Пошлая Молли — Контракт
Гэта першы сінгл гурта «Пошлая Молли», які выйшаў у 2021 годзе. Магчыма, трэк зноўку трапіў у чарты з-за рэліза песні «Адская колыбельная».
А што яшчэ?
У верасні беларусы слухалі расійскую музыку: у большасці, вядома, хіп-хоп. У чарты трапляў і беларускі выканаўца Макс Корж са старымі трэкамі «Стань» і «Жить в кайф».