У гэтым матэрыяле расказваем пра пяцёрку нямецкіх мастакоў, якія знаходзяцца ў авангардзе сучаснага мастацтва. Кожны з іх быў па-свойму інавацыйным, падымаў складаныя тэмы, што былі і застаюцца актуальнымі для нашага свету.
PALATNO расказвае пра пяцёрку нямецкіх мастакоў XX стагоддзя.
Герхард Рыхтэр
Стыль: абстракцыянізм і фотарэалістычны жывапіс
Значнасць: Рыхтэр з’яўляецца адным з самых уплывовых сучасных мастакоў. Яго дыяпазон вар’іруецца ад яркага фотарэалізму да абстракцыянізму. Ён даследуе тэмы памяці, гісторыі.
Герхард Рыхтэр нарадзіўся ў Дрэздэне ў 1932 годзе. У гэтым жа горадзе ён навучаўся ў акадэміі мастацтва, а потым у Дзюсельдорфскай мастацкай акадэміі. У 1961 годзе Рыхтэр уцёк з Усходняй Германіі, каб мець магчымасць свабодна выказвацца як мастак на Захадзе. Кар’ера Рыхтэра доўжыцца дзесяцігоддзямі. Ён вядомы сваёй універсальнасцю.
Ансельм Кіфер
Стыль: нэа-экспрэсіянізм
Значнасць: у маштабных фактурных працах Кіфер даследуе тэмы памяці, ідэнтычнасці і цяжару гісторыі, асабліва засяроджваецца на гісторыі і міфалогіі Германіі. Ён выкарыстоўвае розныя матэрыялы ў сваіх працах: попел, салому, свінец — гэта не толькі дадае глыбіні і сімвалізму яго творам, а і робяць яго мастацтва адметным.
Ансельм Кіфер нарадзіўся ў Донаўэшынгене ў 1945 годзе. Кіфер вучыўся ў Ёзэфа Бойса ў Вышэйшай школе мастацтва ў Дзюсельдорфе. Яго працы прысвечаны бурнай гісторыі Германіі, ён спалучае міфалогію, літаратуру і гісторыю.
Нэа Раўх
Стыль: сучасны сюррэалізм
Значнасць: Раўх з’яўляецца вядучай фігурай у сучасным нямецкім жывапісу. Ён спалучае ў сваёй творчасці сюррэалістычныя элементы, яго карціны нагадваюць сны, у іх можна пабачыць індустрыяльныя ці антыўтапічныя сюжэты.
Нэа Раўх нарадзіўся ў Лейпцыгу ва Усходняй Германіі ў 1960 годзе. Раўх вучыўся ў Лейпцыгскай акадэміі мастацтва і стаў цэнтральнай фігурай у Новай Лейпцыгскай школе. У яго сюррэалістычных карцінах ёсць уплыў сацрэалізму з антыўтапічнымі тэмамі, што адлюстроўвае яго досвед жыцця ў падзеленай Германіі. Раўх выстаўляўся па ўсім свеце і застаецца важным голасам у сучасным жывапісе.
ЧЫТАЙЦЕ ЯШЧЭ:
Апантаны мастацтвам, расстраляны ў 1937-м. Расказваем пра мастака Рамана Семашкевіча
Чаму Берлін асацыіруюцца з тэхна-музыкай і рэйвамі?
Праца за хлеб і самагубства ў рэчцы. Як жыла і што малявала Алена Кіш
Рэбэка Хорн
Стыль: перфоманс, інсталяцыя, скульптура
Значнасць: Хорн вядомая скульптурамі і інсталяцыямі, у якіх даследуюцца тэмы чалавечай уразлівасці і змянення.
Рэбэка Хорн нарадзілася ў Міхельштадце ў 1944 годзе. Яна вучылася ў Вышэйшай школе мастацтва ш Гамбургу. Хорн вядома тым, што з’яўляецца піянерам перфомансу ў 1970-х гадах.
Катарына Гросэ
Стыль: абстракцыянізм, інсталяцыя
Значнасць: Гросэ славіцца сваімі смелымі, маштабнымі інсталяцыямі, якія трансфармуюць прастору.
Катарына Гросэ нарадзілася ў Фрайбургу ў 1961 годзе. Яна вучылася ў Вышэйшай школе мастацтва ў Дзюсельдорфе. Гросэ вядомая сваімі манументальнымі інсталяцыямі і выкарыстаннем яркай аэразольнай фарбы для пераўтварэння прасторы. Працы Грос кідаюць выклік межам паміж жывапісам і архітэктурай, што робіць яе вядучай фігурай у сучаснай абстракцыі.
