Што, калі б Вы маглі чытаць думкі, спыняць час або падарожнічаць у іншыя вымярэнні? Серыялы пра людзей з надзвычайнымі здольнасцямі не проста забаўляюць. Яны прымушаюць нас задумацца пра ўладу, адказнасць і саму чалавечую прыроду.
PALATNO расказвае пра дзевяць серыялаў, у якіх паказваюцца гісторыі людзей з надзвычайнымі здольнасцямі.
Змест
«Героі» (Heroes)
Год: 2006-2010
Сюжэт. Звычайныя людзі па ўсім свеце раптам пачынаюць адкрываць у сабе надзвычайныя здольнасці: яны могуць лятаць, рэгенераваць, чытаць думкі, кіраваць часам і гэтак далей. Іх лёсы пераплятаюцца — яны павінны выратаваць свет, зразумець сябе і схавацца ад тых, хто хоча выкарыстаць іх здольнасці.
Навошта глядзець? Гэта вельмі захапляльны серыял, які заўсёды прымушае запытацца ў сябе «а што ты зробіш, калі ў цябе раптам з’явіцца неверагодная здольнасць?» Рэкамендуюць паглядзець хаця б першыя два сезоны, бо яны найбольш якасныя.
«Мяжа» (Fringe)
Год: 2008-2013
Сюжэт. Агенцтва ФБР займаецца расследаваннем дзіўных навукова-фантастычных з’яваў — тыпу паранормальных злачынстваў, тэлепатыі, біяэксперыментаў. У цэнтры — вучоны, яго сын і агент ФБР.
Навошта глядзець? Гэты серыял як сумесь X-Files і Black Mirror, але з уласным сюжэтам.
«Быць чалавекам» (Being Human)
Год: 2008-2013
Сюжэт. Трое суседзяў здымаюць дом у Брыстолі. Адзіная «дробязь» — яны не зусім людзі: вампір, ваўкалак і прывід. Яны спрабуюць жыць звычайным жыццём, але іх прырода, мінулае і звышнатуральны свет увесь час цягнуць іх назад.
Навошта глядзець? Гэты серыял не баявік і экшн, а пра жыццё і сяброўства. У ім ёсць моцная драма і добры брытанскі гумар (з улікам, што вы глядзіце брытанскую версію серыяла). Па чутках, менавіта брытанская версія нашмат лепшая за амерыканскі рымэйк, але гэта вырашаць толькі вам.
ЧЫТАЙЦЕ ЯШЧЭ:
Дзесяць чыста беларускіх анекдотаў пра сям’ю
Вампіры, прывіды, шкілеты і крывавыя дрэвы: расказваем пра містычныя месцы ў Беларусі
Пяць найлепшых экранізацый відэагульняў
«Менталіст» (The Mentalist)
Год: 2008-2015
Сюжэт. Патрык Джэйн — былы махляр, які выдаваў сябе за экстрасэнса. Пасля сямейнай трагедыі ён дапамагае паліцыі лавіць злачынцаў, выкарыстоўвае надзвычайныя навыкі назірання і псіхалагічнага аналізу.
Навошта глядзець? Разумны гумар, харызматычны галоўны герой і захапляльныя расследаванні — амаль як Шэрлак, але ў амерыканскім стылі.
«Восьмае пачуцце» (Sense8)
Год: 2015-2018
Сюжэт. Восем незнаёмых людзей з розных краін раптам становяцца псіхічна звязанымі: яны могуць бачыць адзін аднаго, размаўляць і нават карыстацца навыкамі адзін аднаго. Аднак іх усіх пераследуе сакрэтная арганізацыя.
Навошта глядзець? Тэма адзінства праз рознасць, крутыя візуальныя сцэны, глыбокія персанажы і культурная разнастайнасць.
«OA» (The OA)
Год: 2016-2019
Сюжэт. Сляпая дзяўчына Прайры знікае на 7 гадоў, а вяртаецца з таямніцамі і зрокам. Яна пачынае збіраць групу людзей для выканання незвычайнай місіі, звязанай з іншым вымярэннем.
Навошта глядзець? Філасофскі і загадкавы серыял з элементамі містыкі, тэлепатыі, псіхалагічных падарожжаў. Вельмі арыгінальны, не падобны ні на што.
«Легіён» (Legion)
Год: 2017-2019
Сюжэт. Дэвід Хэйлер — чалавек, які ўсё жыццё лічыў сябе псіхічна хворым. Але з цягам часу яму становіцца зразумела, што галасы ў яго галаве — гэта не шызафрэнія, а праява надзвычайнай тэлепатычнай і тэлекінетычнай сілы.
Навошта глядзець? Візуальна неверагодны серыял, поўны сюррэалізму і псіхалагічнай глыбіні.