PALATNO расказвае, якія беларускія слодычы можна прыгатаваць самому: і гэта будзе вельмі смачна.
Кулага беларуская
- Ягады (свежыя ці замарожаныя) – да 1 шклянкі.
- Вада – 1 шклянка (200 мл).
- Мука – 1,5 сталовай лыжкі.
- Цукар ці мёд – па гусце.
Кулага – старадаўні дэсерт, які нагадвае кісель. Кулага па-беларуску гатуецца практычна з любых свежых ці замарожаных ягад. Спачатку трэба размяшаць порцыю мукі прыкладна ў 50 мл. вады. У астатняй вадзе зварыць перабраныя і прамытыя свежыя (ці замарожаныя) ягады – каля пяці хвілін на сярэднім агні. Затым зменшыць агонь, заліць ваду з мукой і змяшаць: усё варыць да загусцення. У канцы дадаць цукар ці мёд.
Печаныя яблыкі з брусніцамі
- Яблыкі – 540 г.
- Цукар – 120 г.
- Брусніца – 130 г.
- Цукровая пудра – 20 г.
Выразаць з яблыка костачкі, а ў заглыбленне, якое ўтварылася пасля выдалення костачак, дадаць брусніцы ў цукры. Яблыкі запекчы ў духоўцы. Пры падачы пасыпаць цукровай пудрай.
Дранікі з бруснічным сіропам
- Бульба – 5-6 штук.
- Мука – 1 сталовая лыжка.
- Алей – 1 сталовая лыжка.
- Соль, сода.
- Для сіропу: брусніца – 50 г., цукар – 50 г., вада.
Змяшаць сырую цёртую бульбу з пшанічнай мукой, соллю, содай. Выпекчы з бульбяной сумесі аладкі. Падаваць з бруснічным сіропам.
Смятаннік з курагой
- Яйкі – 2-3 шт.
- Цукар – 1 шклянка.
- Смятана – 1 шклянка.
- Мука – 1,5 шклянкі.
- Курага – 1 шклянка.
- Лімон – 1 шт.
- Сода.
- Для алейнага крэму: масла сметанковае – 125 г., малако згушчанае з цукрам – 0,25 банкі, лікёр – 1-2 сталовыя лыжкі.
Нарэзаць курагу невялічкамі кавалачкамі. Узбіць яйкі з цукрам, дадаць смятану і замяшаць да поўнага растварэння цукру. Затым дадаць соду, цэдру, курагу – усё перамяшаць. Цеста заліць у форму, загадзя памазаць форму маслам і пасыпаць сухарамі. Ахалоджаны торт пакрыць алейным крэмам, упрыгожыць курагой і цэдрай.
Чарнасліў у малацэ
- Малако – 1 шклянка.
- Ягады чарнасліву – 10 шт.
- Цукар – 1 сталовая лыжка.
Чарнасліў прамыць, заліць гарачым малаком і пакінуць у ім на гадзіну. Затым засыпаць цукар, змяшаць і паставіць у духоўку. У духоўцы трымаць пры невысокай тэмпературы пакуль на малацэ не з’явіцца румяная пенка.
