У «Гульні тронаў» ёсць Вестэрос, у нас — Вялікае Княства Літоўскае. І калі прыглядзецца, паміж імі шмат падобнага — змяненні ўлады, дынастыі, паўстанні, драмы і магутныя бітвы.
PALATNO расказвае пра падабенства ВКЛ да Вестэроса.
Змест
Вітаўт — гэта Нэд Старк?
Кім у беларускай гісторыі мог быць Нэд Старк? Вядома, Вітаўтам.
Вітаўт быў выбітным палітычным дзеячам і вялікім князем. Ён зрабіў з ВКЛ велізарную і магутную дзяржаву. Ён быў разумным, жорсткім. Як і Нэд Старк, Вітаўт не быў цалкам незалежным, але ніколі не быў марыянеткай.
ЧЫТАЙЦЕ ЯШЧЭ:
Пяць фільмаў і пяць серыялаў, калі вы сумуеце па «Гульні тронаў»
«Дом цмока» па-беларуску: Дэйман — Каліноўскі, Рэйніра — Барбара Радзівіл
Шэсць кніг з незвычайнымі фэнтэзійнымі сусветамі
Радзівілы — гэта Ланістэры?
Толькі Радзівілы — самы магутны магнацкі род ВКЛ — могуць быць Ланістэрамі. Радзівілы, як і Ланістэры, былі найбагацейшым родам. Грошы, землі, уплыў былі іх валютай, і яны ўмелі гэтым карыстацца.
Ланістэры не займаюцца дробязямі: яны вядуць вялікую гульню за ўладу. У Радзівілаў тое самае: рэлігійная палітыка, саюзы, войскі.
Тайвін Ланістэр — гэта той жа Кшыштаф Пярун: строгі, амбітны, дзейнічае жорстка. Барбара Радзівіл — гэта Сэрсэя: прыгожая, моцная, у яе каханне з каралём, якое становіцца драмай для дзяржавы.
Варыс і Леў Сапега
А кім жа мог быць Варыс у сусвеце Вялікага Княства Літоўскага? Вядома, гэта Леў Сапега.
Леў Сапега быў канцлерам ВКЛ, дзяржаўным дзеячам. Ён з’яўляўся адным з аўтараў Статута 1588 — аднаго з самых прагрэсіўных юрыдычных дакументаў свайго часу.
У «Гульні тронаў» Варыс быў уладаром інфармацыі, ён не быў ваяром, але дакладна быў небяспечным для ворагаў гульцом.
Як у «Гульні тронаў» Варыс стварыў сістэму інфармацыйнага ўплыву, так Сапега стварыў мадэль дзяржавы, якая кіруецца законам.
Каліноўскі — Джон Сноў
Кастусь Каліноўскі — гэта наш Джон Сноў. Гэта архетып, які аб’ядноўвае трагізм, прынцыповасць, любоў да народа і паўстанне супраць сістэмы.
Каліноўскі вёў барацьбу за народ, так жа, як і Джон Сноў лічыў народ важнейшым за трон. Каліноўскі не прымаў расійскі імперыялізм як «натуральны», а Джон супраціўляўся сістэме, нават калі яна была законнай. Для абодвух смерць не была канцом: Каліноўскі стаў сімвалам, а Джон Сноў працягнуў свой шлях.
Грунвальдская бітва — Бітва за Вінтэрфэл?
А цяпер гатовы да эпічнасці? Бо Грунвальдаская бітва — тая ж Бітва за Вінтэрфэл у фэнтэзійным свеце: фінал адной эпохі, кульмінацыя супольнага змагання супраць даўняга ворага, у якой удзельнічаюць усе.
У «Гульні тронаў» галоўным ворагам была Армія Мёртвых (пагроза для ўсіх жывых, незалежна ад палітыкі), а ў Грунвальдскай бітве змагаліся супраць Тэўтонскага ордэна, які ішоў з рэлігійна-вайсковай экспансіяй. Што ў серыяле, што ў рэальнасці, вайна была не за «межы», а за існаванне сваёй цывілізацыі.
Цана перамогі высокая. Як і Бітва за Вінтэрфэл, Грунвальдская бітва заканчваецца перамогай.
Бусел — дракон з «Гульні тронаў»?
У гэтым сусвеце абавязкова павінен быць свой дракон. Але ў нас — гэта бусел. Бусел — вобраз, які злучае беларусаў. Ён злятае, вяртаецца, ахоўвае і сімвалізуе надзею. Для беларусаў бусел з’яўляецца сімвалам роднай зямлі, ахоўнікам дома і сям’і.
У «Гульні тронаў» дракон значыць сілу старажытнага свету, магіі. Яны з’яўляюцца знакам улады. Толькі абраныя могуць імі авалодаць, але насамрэч яны нікому не належаць.
У беларусаў няма цмока як «спадарожніка лідара», затое ёсць бусел — істота, якая заўсёды вяртаецца і дорыць надзею.
Калі бусел быў бы ў «Гульні тронаў», то ён з’яўляўся б тады, калі герой на мяжы. Бусел з’яўляўся візуальным сімвалам пераходу. Уявіце, Джон Сноў (у нашым выпадку — Каліноўскі) стаіць падчас бітвы, цішыня, і раптам над полем пралятае бусел; усе разумеюць — наперадзе ёсць будучыня.