Пяць рэцэптаў закатак з кабачкоў на зіму

Прыйшоў час закатак: не толькі з агуркоў і памідораў. Гэта час і кабачкоў! PALATNO расказвае, што прыгатаваць з кабачкоў на зімовыя закаткі.

Кабачковая ікра з морквай

Інгрэдыенты:

• Кабачкі — 2 кг
• Морква — 500 г
• Цыбуля — 500 г
• Таматная паста — 200 г
• Соль — 1 ст. л.
• Цукар — 1 ст. л.
• Воцат (9%) — 2 ст. л.
• Аліўкавы алей — для смажання

Як гатаваць:

1. Нарэжце кабачкі, моркву і цыбулю невялікімі кубікамі.
2. Абсмажце цыбулю да залацістага колеру, дадайце моркву і смажце яшчэ 5-7 хвілін.
3. Дадайце кабачкі і гатуйце, пакуль яны не стануць мяккімі.
4. Усё змяшайце ў блэндары да аднастайнай масы, дадайце таматную пасту, соль, цукар і воцат, змяшайце.
5. Гатуйце на слабым агні яшчэ 20 хвілін.
6. Накладзіце ікру ў стэрылізаваныя банкі і закатайце.

Кабачкі з часнаком і кропам

Інгрэдыенты:

• Кабачкі — 1 кг
• Часнок — 5 зубчыкаў
• Кроп — па гусце
• Вада — 1 л
• Соль — 2 ст. л.
• Цукар — 2 ст. л.
• Воцат (9%) — 100 мл

Як гатаваць:

1. Нарэжце кабачкі колцамі ці палоскамі.
2. На дно стэрылізаваных банак пакладзіце часнок і кроп.
3. Укладзіце кабачкі ў слоікі.
4. Закіпяціце ваду з соллю, цукрам і воцатам, заліце кабачкі гарачым марынадам.
5. Закатайце!

ЧЫТАЙЦЕ ЯШЧЭ:

 

Пяць цікавых і смачных рэцэптаў закатак памідораў

 

Рэцэпты закатак агуркоў: ад класікі да цікавых спалучэнняў

 

Незвычайныя рэцэпты закатак: гарбуз, баклажан, лясныя ягады

---

Кабачкі ў таматным соку

Інгрэдыенты:

• Кабачкі — 1 кг
• Таматы — 1 кг
• Соль — 1 ст. л.
• Цукар — 2 ст. л.
• Воцат (9%) — 2 ст. л.
• Часнок — 3-4 зубчыкі
• Перац чылі (па жаданні) — 1 шт.

Як гатаваць:

1. Таматы прапусціце праз блендар ці мясарубку, каб атрымаць сок.
2. Закіпяціце таматны сок з соллю, цукрам, воцатам і дробна нарэзаным часнаком.
3. Нарэжце кабачкі колцамі або кубікамі і дадайце ў таматны сок.
4. Калі хочаце, дадайце нарэзаны перац чылі для пікантнасці.
5. Гатуйце ўсё разам на слабым агні 20 хвілін.
6. Пакладзіце кабачкі ў стэрылізаваныя банкі і закатайце.

Кабачкі з морквай і цыбуляй у воцатным марынадзе

Інгрэдыенты:

• Кабачкі — 1 кг
• Морква — 300 г
• Цыбуля — 300 г
• Вада — 1 л
• Соль — 1 ст. л.
• Цукар — 2 ст. л.
• Воцат (9%) — 100 мл
• Лаўровы ліст — 2 шт.
• Перац гарошкам — па гусце

Як гатаваць:

1. Нарэжце кабачкі, моркву і цыбулю кольцамі.
2. Закіпяціце ваду з соллю, цукрам, воцатам, дадайце лаўровы ліст і перац гарошкам.
3. Абсмажце моркву і цыбулю да залацістага колеру.
4. Укладзіце кабачкі, моркву і цыбулю ў стэрылізаваныя банкі.
5. Заліце ўсё гарачым марынадам і закатайце.

Кабачкі ў ананасавым соку

Інгрэдыенты:

• Кабачкі — 1 кг
• Ананасавы сок — 500 мл
• Цукар — 200 г
• Лімонная кіслата — 1 ч. л.

Як гатаваць:

1. Нарэжце кабачкі невялікімі кубікамі, падобнымі да кавалачкаў ананаса.
2. Закіпяціце ананасавы сок з цукрам і лімоннай кіслатой.
3. Дадайце кабачкі і варыце 10 хвілін на слабым агні.
4. Накладзіце кабачкі ў стэрылізаваныя банкі, заліце ананасавым сокам і закатайце.