Міжнародны саюз беларускіх пісьменнікаў і фонд Kamunikat стварылі аўдыёверсію серыі кніг Святланы Алексіевіч. Серыя «Галасы Утопіі» складаецца з пяці кніг: «У вайны не жаночы твар», «Апошнія сведкі», «Цынкавыя хлопчыкі», «Чарнобыльская малітва», «Час сэканд хэнд». Унікальнасць серыі ў тым, што найноўшае выданне аўтарка дапоўніла запісамі з уласнага дзённіка і новымі гісторыямі, а таксама скасавала праўкі цэнзараў.
Дзе слухаць
На любой зручнай пляцоўцы. Пераходзьце па спасылках, выбірайце зручную:
- «У вайны не жаночы твар» (пераклад Валянціна Акудовіча): https://hipolink.me/niezhanochytwar
- «Апошнія сведкі» (пераклад Барыса Пятровіча): https://hipolink.me/aposhnijasviedki
- «Цынкавыя хлопчыкі» (пераклад Андрэя Хадановіча): https://hipolink.me/cynkavyja
- «Чарнобыльская малітва» (пераклад Уладзіміра Арлова): https://hipolink.me/charnobylskajamalitva
- «Час сэканд хэнд» (пераклаў Сяргей Дубавец): https://hipolink.me/secondhandtime
Хто працаваў над праектам
Праект адбыўся, дзякуючы намаганням фонда Kamunikat і Міжнароднага саюза беларускіх пісьменнікаў.
Тэкст кніг Святланы Алексіевіч чыталі Алег Гарбуз, Алена Баярава, Сяргей Чуб і Крысціна Дробыш. Мантаж гуку і аўтарская музыка належаць Дзмітрыю Фрыгі. Запіс — Павел Сініла. Дызайн вокладак — Ірына Арахоўская.
Праект прадзюсіраваў Яраслаў Іванюк.