Калі вы шукаеце нешта, што прымусіць сэрца біцца хутчэй і пакіне пачуццё хвалявання нават пасля фінальных кадраў, то мы падрыхтавалі для вас падборку шыкоўных фільмаў. Гэты і псіхалагічныя трылеры, і класічныя фільмы жахаў, і стужкі з нечаканымі паваротамі… Для вас знойдзецца дакладна тое, што прынясе хвіліны (ці нават гадзіны) сапраўднага страху.
PALATNO пытае ў апошні раз: вы гатовы да напружанага прагляду?
Змест
«Маяк» (The Lighthouse, 2019)
Псіхалагічны трылер рэжысёра Роберта Эгерса захапляе сваёй атмасферай і візуальным стылем. Фільм расказвае пра двух вартаўнікоў маяка, якія паступова губляюць розум на аддаленай выспе. Сюжэт поўны напружанасці і жахаў, абумоўленых псіхалагічным станам герояў. Унікальны чорно-белы візуальны стыль і выдатныя акцёрскія выступленні Роберта Пацінсана і Уільяма Дэфо ствараюць незабыўную карціну.
«Зацягні мяне ў пекла» (Drag Me to Hell, 2009)
Хоць фільм выйшаў крыху раней за ўсе астатнія ў гэтай падборцы, яго ўсё яшчэ можна лічыць сучаснай класікай. Рэжысёр Сэм Рэймі стварыў гісторыю пра праклён, які з кожным днём забірае ўсё больш у галоўнай гераіні. Фільм змешвае класічныя элементы жахаў з іранічным гумарам, што робіць яго непаўторным у сваім стылі.
«Мідсамар» (Midsommar, 2019)
Фільм стаў у нейкім сэнсе легендарным і вельмі адметным. Яго зняў Ары Астэр (ён зняў і «Рэінкарнацыю», пра якую мы пагаворым пазней). Карціна Midsommar пераносіць фільмы жахаў у бліскучы і сонечны летні дзень. Гэта гісторыя пра групу сяброў, якія прыязджаюць на паганскі фестываль у Швецыю, але паступова вандроўка ператвараецца ў жах.
«Ціхае месца» (A Quiet Place, 2018)
Гісторыя пра сям’ю, якая выжывае ў свеце, дзе любы гук можа прывесці да смерці, паколькі зямлю захапілі істоты, якія палююць па гуку. Рэжысура Джона Красінскі і мінімалістычны падыход да гуку робяць фільм захапляльным і вельмі напружаным, з глыбокім эмацыянальным напружаннем і арыгінальнай канцэпцыяй.
«Няправільны паварот» (Wrong Turn, 2021)
Рэінкарнацыя знакамітай франшызы, у якой група падарожнікаў у амерыканскіх лясах сутыкаецца з сектантамі, якія жывуць па старажытных законах. Фільм не толькі палохае крывавымі сцэнамі, але і ўключае ў сябе сацыяльныя і філасофскія тэмы, якія робяць яго значна глыбейшым, чым можа здавацца на першы погляд.
«Мы» (Us, 2019)
Гэта фільм ад рэжысёра Джордана Піла (ён зняў «Прэч» — яго абавязкова таксама паглядзіце). Карціна «Мы» прапануе сюррэалістычны і псіхалагічны фільм жахаў пра сям’ю, якая сутыкаецца са сваімі двайнікамі. Фільм даследуе тэмы ідэнтычнасці, страху перад невядомым і сацыяльных падзелаў, прапаноўвае гледачам як напружаныя моманты, так і глыбокі падтэкст.
«Нябачны чалавек» (The Invisible Man, 2020)
Гэты фільм — новая інтэрпрэтацыя класічнай гісторыі пра нябачнага чалавека. Галоўная гераіня спрабуе збегчы ад свайго агрэсіўнага былога партнёра, які становіцца нябачным. Фільм захапляе псіхалагічным напружаннем і пастаянным пачуццём пагрозы, прымушае гледача сумнявацца ў тым, што насамрэч адбываецца.
«Рэінкарнацыя» (Hereditary, 2018)
Гэта адна з найлепшых сучасных кінастужак пра жахі. Гісторыя пра сям’ю, якая апынулася ў цэнтры серыі трагічных падзей пасля смерці бабулі. Гэта глыбока псіхалагічны фільм, які даследуе тэмы смутку, сямейных сакрэтаў.