Што павінна быць заўсёды ў заплечніку, каб выжыць у самых нечаканых і небяспечных сітуацыях? Батарэйкі таксама трэба, каб былі? Што рабіць, калі трэба фільтраваць ваду? А што трэба, каб выжыць без ежы?
PALATNO расказвае пра самыя неабходныя рэчы, якія павінны быць у наборы выжывальніка.
Базавы камплект
Калі вы трапіце ў надзвычайную сітуацыю, то з сабой трэба мець з дзясятак рэчаў, якія аблегчаць і зробяць больш камфортным жыццё.
Усе рэчы трэба захоўваць у герметычных пластыкавых пакетах у кантэйнерах альбо спартыўнай сумцы ці заплечніку. Такія наборы трэба трымаць у надзейным месцы і час ад часу сачыць за тэрмінамі прыдатнасці рэчаў. Камплект трэба абнаўляць па меры патрэб вашай сям’і.
Паколькі нельга дакладна сказаць, дзе чалавек можа знаходзіцца падчас надзвычайнай сітуацыі, трэба падрыхтаваць рэчы і захоўваць у некалькіх месцах: дома, на працы і ў машыне. Пра камплект, які захоўваецца дома, трэба ведаць усім членам сям’і. Такі прадукт павінен уключаць прадукты харчавання, ваду і іншыя прадметы першай неабходнасці. У машыне таксама варта мець камплект прадметаў першай неабходнасці.
У базавы камплект будуць уваходзіць наступныя рэчы:
- Нож (напэўна, адзін з самых неабходных прадметаў у камплекце, ён павінен быць складным).
- Вада (трэба разлічваць, што на аднаго чалавека выходзіць тры з паловай літры вады на некалькі дзён — для піцця ці гігіенічных патрэб).
- Прадукты харчавання (з сабой павінен быць як мінімум трохдзённы запас).
- Батарэйкі.
- Ліхтарык.
- Аптэчка
- Свісток (каб клікаць на дапамогу).
- Супрацьпылавая маска, ануча, сетка (для фільтрацыі забруджанага паветра і вады, а сетка — для лоўлі рыбы).
- Пластыкавая плёнка, ізастужка (для таго, каб абсталяваць месца).
- Вільготныя сурвэткі, пакеты для смецця і пластыкавыя сцяжкі (для асабістай гігіены).
- Абцугі.
- Карта мясцовасці.
- Мабільны тэлефон з зараднымі прыладамі і рэзервовым акумулятарам.
Дадатковыя прадметы
Ад вясны 2020 года Цэнтр па кантролю і прафілактыцы захворванняў ЗША рэкамендуе ўключаць у камплекты для выжывання дадатковыя прадметы, якія дапамогуць выключыць распаўсюджванне каронавіруса ці вірусаў грыпу.
- Маскі (для кожнага, каму больш за два гады), мыла, сродкі дэзінфекцыі для рук і паверхняў.
- Лекі, вітаміны (абавязкова рэцэптурныя, калі гэта трэба).
- Акуляры і раствор для кантактных лінзаў.
- Дзіцячая сумесь, падгузкі, сурвэткі і крэмы (калі ў вас ёсць дзеці).
- Корм і дадатковая вада для жывёл.
- Наяўныя грошы.
- Дакументы (страхавыя полісы, пасведчанні асобы, рахункі: іх можна захоўваць і на электронным носьбіце).
- Спальны мяшок або цёплая коўдра.
- Камплект адзення, якое адпавядае клімату, і абутак.
- Вогнетушыцель.
- Прадметы жаночай гігіены і асабістай гігіены.
- Папера і аловак.
- Кнігі, гульні, пазлы ці іншыя прадметы, каб заняць дзяцей.
