PALATNO расказвае пра найлепшыя баёпікі, якія можна паглядзець на адным дыханні.
Змест
«Спіс Шындлера» (Schindler’s List)
Год: 1993
Сюжэт. Гісторыя нямецкага бізнесмена Оскара Шындлера, які падчас Халакосту выратаваў больш за тысячу яўрэяў, бо выкарыстоўваў свой завод як сховішча.
Навошта глядзець? Фільм Стывена Спілберга — гэта эмацыйны і моцны ўдар па сумленні. Кіно стала кінакласікай, візуальна прыгожае (чорна-белая стужка) і глыбокая драма.
«Перакрочыць рысу» (Walk the Line)
Год: 2005
Сюжэт. Гэта кіно пра жыццё амерыканскага кантры-спевака Джоні Кэша: якім быў яго лёс, як змагаўся з залежнасцямі і як любіў Джун Картэр.
Навошта глядзець? Хаакін Фенікс і Рыз Уізэрспун літаральна сталі сваімі героямі. Фільм раскажа не пра легенду амерыканскай музычнай сцэны, а пра моц кахання.
«Сацыяльная сетка» (The Social Network)
Год: 2010
Сюжэт. Гэты фільм з’яўляецца гісторыяй узнікнення Facebook. Гэта гісторыя пра студэнцкі эксперымент Марка Цукерберга ў Гарвардзе, які ў выніку стаў інтэрнэт-феноменам і назаўсёды змяніў тое, як чалавецтва ўспрымае сацыяльныя сувязі. Фільм паказвае, як геніяльнасць, амбіцыі і здрады (а як жа без іх) могуць і ідуць поруч.
Навошта глядзець? Складаны характар галоўнага героя, вострая драматургія і востры сцэнарый Арана Соркіна зрабілі фільм больш, чым проста гісторыяй поспеху.
ЧЫТАЙЦЕ ЯШЧЭ:
Пяць фільмаў, якія падораць летні настрой (лета ўжо блізка!)
Ад «Інтэрстэлара» да «Першага чалавека». Галоўныя фільмы пра космас за апошнія дзесяць гадоў
«Сусвет Стывена Хокінга» (The Theory of Everything)
Год: 2014
Сюжэт. Фільм расказвае пра жыццё знакамітага фізіка Стывена Хокінга — ад яго студэнцкіх гадоў і дыягназу да кар’ернага ўзлёту і складаных адносін з жонкай.
Навошта глядзець? Эдзі Рэдмэйн атрымаў «Оскар» за ролю Хокінга, таму абавязкова ацаніце яго гульню. Гэты фільм не толькі пра навуку і геніяльнага навукоўца, а пра чалавечы дух у змаганні з хваробай.
«Багемская рапсодыя» (Bohemian Rhapsody)
Год: 2018
Сюжэт. Біяграфія Фрэдзі Мерк’юры і гурта Queen: ад пачатку кар’еры легендарнага спевака і выступу на Live Aid у 1985 годзе.
Навошта глядзець? Фенаменальная гульня Рамі Маліка, які атрымаў за ролю «Оскар», выдатны саўндтрэк і дух эпохі 1980-х. Гэта не проста фільм, а канцэрт!