«Белы, а не цукар». Загадкі пра зіму з адгадкамі

Прыйшла зіма, а разам з ёй прыйшлі і зімовыя загадкі. PALATNO загадвае лёгкія і не вельмі загадкі пра зіму, снег і мароз.

Навядзіце курсор мышы на загадку (або націсніце на яе, калі вы з мабільнай прылады), каб убачыць адказ на яе.

• Вярхом сядаю, на кім — не знаю, знаёмага ўбачу — адразу саскочу.Шапка
• Адзін кажа: мне зіма лепей; другі кажа: мне лета лепей, а трэці кажа: мне ўсё роўна.Сані, калёсы, конь
• На гарбатых братах дзеці цешацца.Сані
• Адзін вол выпіў вады дол.Мароз
• Без голасу, а вые, без рук, а абрусы сцеле.Завіруха
• Без пілы, без сякеры, а масты будуе.Мароз
• Белы, а не цукар, без ног, а ідзе.Снег
• Гарох стручыст — уночы стучыць, днём стаяць не вяліць.Мароз
• Гаспадар багат, ды смуцён; гаспадыня белая, ды бедная.Восень і зіма
• Дзежка чорная, а века белае.Зямля пад снегам
• З вады нарадзіўся і ў ваду ператварыўся.Снег
• Зімой грэе, вясной тлее, летам памірае, увосень аджывае.Снег
• Зімой расце коранем уверх, а вясной памірае — хто адгадае.Лядзяш
• Ляцяць птушкі без крыл, а садзяцца без ног.Сняжынкі
• Па калені вады, а не нап’ешся.Снег