0
Падзяліліся
Стаіць у лазе на адной назе… Вядома ж, гэта грыб! Але такія загадкі можа адгадаць кожны. А ці зможаце вы адгадаць, хто такі малыш-каратыш, які чмыхае жарам? А хто такія браты, якія ніколі не сыдуцца? Гэта яшчэ не ўсё: мы падрыхтавалі дзесяць загадак, на якія вы не адразу знойдзеце адказы.
PALATNO прапануе вам прайсці гэты чэлендж.
Чытайце таксама: Беларускія загадкі — пра чалавека, рэчы, прыроду і жывёл
Навядзіце курсор мышы на загадку (або націсніце на яе, калі вы з мабільнай прылады), каб убачыць адказ на яе.
- Маленькі работнік многа гадоў працаваў, ніколі не спаў, толькі адзін раз перастаў – і навек прапаў.Сэрца
- Два браты адзін на аднаго глядзяць, а разам не сыдуцца.Падлога і столь
- Ляціць конь заморскі, іржэ па-польску, хто яго заб’е, той сваю кроў пралье.Камар
- Як у лазню ідзе, дык чорны, як з лазні ідзе, дык чырвоны.Рак
- Зімою хаваюся, вясною з’яўляюся, летам весялюся, восенню спаць кладуся.Рака
- Прыйшоў чорны лось, паклаў штось. Прыйшоў белы лось, падняў штось.Ноч і дзень
- Уцячы — не ўцячэш, падняць — не падымеш.Цень
- З месца не рушыцца, а на сабе многа чаго носіць.Мост
- Малыш-каратыш чмыхае жарам, абдае варам, агнём дзьме, жалезам плюе.Пісталет
- Чырвона, ды не дзеўка, зялёна, ды не дуброва.Морква