Роўд-муві, якое замаскіравана пад постапакаліпсіс з монстрамі-грыбамі ці мульсерыял пра высокія тэхналогіі і жыццё ў небяспечным сусвеце карпарацый… Легендарны «Фалаўт», але цяпер не вы гуляеце, а вам паказваюць створаны сусвет пасля ядзернай вайны… І шмат чаго яшчэ. Адаптацыі відэагульняў калісьці былі непапулярнымі і рабіліся «на каленцы», але цяпер гэта значны сегмент кінаіндустрыі.
PALATNO расказвае пра фільмы і серыялы, якія перавярнулі прадстаўленне пра адаптацыі гульняў.
Змест
«Апошнія з нас» (The Last of Us)
Год: 2023-…
Цяпер экранізацыя постапакаліптычнай гульні «Апошнія з нас» лічацца адной з самых эталонных. У адаптацыі ўдзельнічаў адзін са стваральнікаў гульні Ніл Дракман, а разам з ім працаваў стваральнік серыялу «Чарнобыль» Крэйг Мэйзін. Дракман і Мэйзін стварылі сапраўды выдатную кінаадаптацыю відэагульні і задалі новую планку.
У серыяле расказваецца тая ж гісторыя, што і ў гульні. Падзеі адбываюцца ў свеце, у якім грыбковая інфекцыя ператварыла большасць людзей у агрэсіўных мутантаў. У гэтым свеце сустракаюцца Джоэл (Пэдра Паскаль) і дзяўчынка Элі (Бэла Рамсі). Джоэл павінен правезці Элі праз усе Злучаныя Штаты — з захаду на ўсход, бо дзяўчына можа быць ключом для выратавання чалавецтва.
Другі сезон выйдзе ў красавіку 2025 года.
«Аркэйн» (Arcane)
Год: 2021-2024
«Аркэйн» заснаваны на сусвеце гульні League of Legends. У серыяла выйшла два сезона і яны атрымалі высокія адзнакі. Серыял падыходзіць нават для тых, хто зусім незнаёмы з сусветам гульні і нічога пра яе не ведае.
Гісторыя адбываецца ў гарадах — развітым Пілтоўэры і небяспечным Заўне. Гарады канкуруюць паміж сабой, асабліва пасля адкрыцця тэхналогіі, якая здатная кантраляваць магічную энергію. У цэнтры падзей — сястры Вай і Джынкс, чые лёсы раздзяліліся з-за трагедыі і канфлікту паміж багатымі і беднымі.
«Фалаўт» (Fallout)
Год: 2024-…
Серыял «Фалаўт» створаны на аднайменнай серыі відэагульняў. Падзеі ў адаптацыі адбываюцца ў 2296 годзе, праз 200 гадоў пасля глабальнай ядзернай вайны, якая знішчыла большасць чалавецтва. Пасля вайны людзі жывуць у сховішчах, адна з гераінь — Люсі Маклін (Эла Парнэл) — жыве ў такім сховішчы. Люсі пакідае сховішча і сутыкаецца з небяспечным светам, бо хоча адшукаць бацьку. Па дарозе яна сустракае члена Братэрства Сталі Максімуса (Аран Мотэн) і мутанта Купера Говарда (Уолтан Гогінс).
Серыял атрымаў высокія ацэнкі ад крытыкаў, быў намінаваны на розныя кінапрэміі. Стваральнікі заявілі, што серыял атрымае працяг.
«Кастлванія» (Castlevania)
Год: 2017-2021
Серыял створаны на аснове знакамітых гульняў Castlevania. У адаптацыі расказваецца пра апошняга прадстаўніка роду Бельмонтаў, Трэвара Бельмонта, які спрабуе спыніць графа Дракулу. Дракула пачаў вайну супраць чалавецтва пасля смерці жонкі. Бельмонту дапамагаюць чараўніца Сіфа Бельнадэс і сын Дракулы, Алукард.
Серыял паважаюць за моцную гісторыю, атмасферу гатычнага жаху і якасную анімацыю. Усяго выйшла чатыры сезоны, а ў 2023 годзе — працяг, які прысвечаны новаму пакаленню паляўнічых на вампіраў.
«Кіберпанк: Эйджранэры» (Cyberpunk: Edgerunners)
Год: 2022
Серыял заснаваны на сусвеце гульні Cyberpunk 2077. Пасля выхаду мультсерыялу цікавасць да гульні значна ўзрасла.
Падзеі адбываюцца ў мегаполісе Найт Сіці, у якім магутныя тэхналагічныя карпарацыі змагаюцца за ўплыў у горадзе. Галоўны герой, Дэвід Марцінэс, пасля асабістай трагедыі вырашае стаць «эйджранэрам» (ці проста — наймітам). Ён выкарыстоўвае тэхналогіі і прасунутыя мадыфікацыі, каб зарабіць грошы і выжыць у небяспечным сусвеце.