Начэпнік, похва, секель, смочкі і чэлес. PALATNO расказвае, якія словы па-беларуску можна выкарыстоўваць для апісання кахання і сексу.
Як беларусы расказваюць пра секс
Беларуская мова і культура маюць шмат слоў і традыцый, праз якія можна выказаць закаханасць. З цягам часу табуіраванасць тэмы сексу пакрысе сыходзіць. У Беларусі выдаюць кнігі пра эратычныя традыцыі беларусаў, беларусы пачынаюць рабіць падкасты пра тое, як беларуская мова і культура стагоддзямі выказваліся пра каханне і секс.
Адной з самых гучных падзей, дзе фігуравалі словы «секс» і «беларус», стала з’яўленне кнігі «У ложку з беларусам». Яна выйшла ў 2018 годзе за аўтарствам Анастасіі Зелянковай. У кнізе расказваецца пра эратычныя традыцыі беларусаў ад паганскіх часоў да нашых дзён: інфармацыя сабраная з дакументаў, фальклорных крыніц, твораў мастацтву. Кнігу выдаў Інстытут беларускай гісторыі і культуры. Яе дагэтуль можна купіць за 45 рублёў.
А яшчэ раней, у 2016-м годзе, выйшла кніга «Беларускі эратычны фальклор», яе выданне курыраваў Глеб Лабадзенка.
— Я калісьці запытаўся ў Барадуліна, чаму ён так любіць гэтую тэму. Ён сказаў: «Калі хоць кагосьці гэта прыцягне да беларускай мовы, ужо добра». Я таксама так лічу. Каб прывабліваць да мовы, забароненых ці табуіраваных тэм няма. У інтэрнэце некаторыя пісалі, каб мы спынілі распусту. Я абяцаю не прымушаць гэтых людзей чытаць нашу кнігу, — расказваў пра выданне Лабадзенка.
У 2021 годзе пачалі выходзіць першыя эпізоды падкаста «Гісторыя беларускага сексу». У ім вядучая расказвае пра беларускія традыцыйныя ўяўленні пра з’явы, звязаныя з інтымным жыццём беларусаў.
Усе названыя намі мастацкія творы і праекты расказваюць не столькі пра беларускае каханне і секс, але і пра тое, як гэтыя натуральныя з’явы існавалі ў бытавым жыцці беларусаў і на беларускай мове.
Слоўнік: каханне
Дысклеймер: некаторыя словы, прыведзеныя ў гэтым артыкуле, зафіксаваныя ў слоўніках, некаторыя — з’яўляюцца наватворамі і іх ужыванне выклікае спрэчкі.
Каханы, улюбёны, любы — любимый
Закаханы, закаханасць — влюблённый, влюблённость
Залётнік, заляцальнік, заляцанне, заляцацца — ухажёр, ухаживание, ухаживать
Нялюбы, нялюбасць — нелюбимый, нелюбовь
Пацалунак — поцелуй
Спатканне — свидание
Замілаванасць, замілаванне — умиление
Пяшчота — нежность
Песціць, мілаваць, кукобіць, плегаваць — лелеять, нежить
Абдымкі, абоймы — объятия
Прыціскаць, прытуляць — прижимать
Жарсць, палкасць, пал; жарсны, гарачы, палкі, заўзяты — страсть, страстный
Здрада — измена
Рэўнасць, зайздрасць; раўнівец — ревность, ревнивец
Палюбоўнік, каханак, палюбоўніца, каханка — любовник, любовница
Слоўнік: секс
Бюстанош, станік — бюстгальтер
Майткі — трусы
Цнота, цнатлівасць, нявіннасць — девственность
Цнатлівіца, дзявіца, нявінніца — девственница
Любошчы — секс
Кахацца, любіцца — заниматься сексом
Начэпнік — презерватив
Шмаравідла, шмаравіла — смазка
Песціць, лашчыць — ласкать
Асалода, любата — наслаждение
Похва — вагина
Секель, ласкацень — клитор
Маціца — матка
Смочкі — соски, грудь
Цыцкі — грудь
Азадак, дупа — задница
Чэлес — мужской половой член
Ядры — семенники, яички
Напяты — эрегированный
Вывальненне — эякуляция
Мілошчы, пешчы — петтинг
Напяты — эрегированный
Поцяг, юр — сексуальное желание, похоть, сексуальная озабоченность
Суполенне — половой акт
Церце — трение
Вычварэнец(ка) — извращенка
Самадайка — распутная жанчына
Блуд, распута; блуднік, распуснік, марцовы кот — разврат, распутство, распутник.
