Now Reading
Беларуская кухня: супы

Беларуская кухня: супы

Беларуская кухня, супы, ежа

PALATNO расказвае рэцэпты пяцёркі беларускіх супоў, якія абавязкова трэба паспрабаваць.

Зацірка

  • Мука – 60 г.
  • Яйца – 0,2 шт.
  • Масла – 10 г.
  • Малако – 400 г.
  • Соль.

Малочную зацірку вельмі лёгка прыгатаваць. Спачатку трэба прасеяць муку, а затым крыху падсмажыць яе да светла-карычневага колеру. Пасля муку з яйцамі, маслам і соллю змяшаць з невялікай колькасцю вады, перацерці. Павінны атрымацца невялічкія ірваныя камячкі цеста. Іх трэба засунуць у рондаль з гарачым малаком, варыць на невялікім агні і перыядычна перамешваць.

Малочны суп з клёцкамі

  • Малако – 4 шклянкі
  • Бульба – 8 шт.
  • Вада – 1 шклянка.
  • Масла смятанкавае – 20 г.
  • Яйкі – 1 шт.
  • Соль.

Бульбу нацерці дробна, адціснуць праз марлю і дадаць яйка. З атрыманай сумесі зрабіць невялічкія шарыкі. Малако развесці вадой, давесці да кіпення – варыць клёцкі на слабым агні. Гатовы суп пасаліць і заправіць алеем.

Поліўка

  • Бульба – 70 г.
  • Морква – 15 г.
  • Цыбуля – 60 г.
  • Грэчка – 25 г.
  • Сала таплёнае – 15 г.
  • Квас – 250 г.
  • Сыроватка – 60 г.
  • Вада – 250 г.

Яшчэ адзін не вельмі складаны, але вельмі смачны суп – гэта поліўка. Гародніну адварыць, а затым заліваюць квас і сыроватку. У сумесь дадаюць крупы, сала і соль – даводзяць гэта да кіпення альбо можна паставіць у духоўку на 20-30 хвілін. У суп можна дадаць пятрушку ці кроп.

Крупеня грыбная

  • Грыбы сушаныя – 15 г.
  • Цыбуля – 30 г.
  • Бульба – 100 г.
  • Морква – 15 г.
  • Грэчка – 25 г.
  • Топленае сала або алей – 15 г.
  • Вада – 500 г.

Сушаныя грыбы адварыць, а затым нарэзаць саломкай. У грыбны адвар пакласці бульбу, крупы, гародніну. Папярэдне нарэзаць бульбу і гародніну, абсмажыць з цыбуляй і грыбамі на сале альбо алеі. Усё гэта варыць на агні, калі ўсё будзе напалову гатова – паставіць у духоўку на 15 хвілін. Да сумесі дадаюць топленае малако ці смятану.

Жур з вяндлінамі

  • Вада – 500 г.
  • Мясны набор (вяндліна) – 50 г.
  • Цыбуля – 15 г.
  • Рэпа – 50 г.
  • Морква – 40 г.
  • Мука аўсяная – 50 г.

Па-першае, трэба адварыць мяса (гэта можа быць вяндліна, свіная каўбаса ці вэнджаная карэйка альбо грудзінка). Мяса вараць з цыбуляй, рэпай і морквай – папярэдне ўсё з прадуктаў трэба дробна нашынкаваць. Калі гародніна зварыцца, то булён зліваюць і кіпяцяць з мукой і вадой. Сумесь можна заправіць часныком і кропам. Адвараная гародніна падаецца асобна з адварной бульбай.

Вярнуцца ўгару