Берлін — гэта больш чым проста сталіца Германіі: гэта жывое сэрца еўрапейскай тэхна-музыкі, дзе кожны біт — гэта рытмы свабоды і неабмежаваных магчымасцей. Пасля падзення Берлінскай сцяны горад стаў месцам, дзе тэхна-музыка знайшла свой сапраўдны голас.
PALATNO — пра рэйвы і тэхна.
Падзенне Берлінскай сцяны
Тэхна-музыка і рэйв-культура маюць глыбокую і ўнікальную сувязь з Берлінам. Яна сфарміравалася, дзякуючы, у тым ліку, культуры і гісторыі.
Пасля падзення Берлінскай сцяны ў 1989 годзе Берлін зведаў буйную трансфармацыю. Уз’яднанне Усходняга і Заходняга Берліна стварыла ўнікальнае асяроддзе для культурных эксперыментаў.
Многія закінутыя будынкі, асабліва ў былым Усходнім Берліне, сталі даступнымі для выкарыстання, часта спачатку незаконна. Гэтыя пустыя прасторы былі ідэальнымі месцамі для андэграўндных вечарынак і тэхна-мерапрыемстваў, спрыяючы новай, сырой і бунтарскай музычнай сцэне.
Пасля ўз’яднання Берліна тэхна-музыка стала саўндтрэкам новай эпохі не толькі для горада, але і для цэлай краіны. Тэхна — гэта музыка пра разнастайнасць, нонканфармізм, якая адлюстроўвала жаданні пакалення, якое хацела адарвацца ад мінулага і выказаць сябе па-новаму, без абмежаванняў. Рэйв-культура з тэхна не толькі музыка: гаворка ідзе пра прастору, дзе людзі маглі бы быць сабой, свабоднымі ад грамадскіх нормаў.
Эканамічная сітуацыя 1990-х гадоў таксама паўплывала на росквіт тэхна. Мастакі, музыкі і творцы з усяго свету змаглі жыць у Берліне больш камфортна і танна арандаваць памяшканні для творчасці. Свабода, якая з’явілася ў той час, дазволіла людзям эксперыментаваць з новымі формамі мастацтва і музыкі без ціску дарагога гарадскога жыцця. І, вядома, гэта ўсё спрыяла развіццю тэхна-культуры.
Адметнасці
У 1990-я многімі клубамі кіравалі мастакі і творцы, якія імкнуліся стварыць супольнасць, што будзе арыентавацца на электронную музыку. Гэты дух захоўваецца і па сённяшні дзень. Многія тэхна-клубы кіруюцца калектывамі і незалежныя ад карпарацый і вялікіх прадпрыемстваў.
Тэхна і рэйв квітнеюць у Берліне і дзякуючы сувязі з андэграўднай культурай. Горад быў цэнтрам для мастакоў, розных субкультур, якія імкнуліся кінуць выклік нормам. Ананімнасць і цемра ў клубах стваралі прастору для эксперыментаў, самавыяўлення і сцірання сацыяльных межаў.
Берлін з’яўляецца домам для некаторых з самых знакавых у свеце тэхна-клубаў: Berghain, Tresor і Watergate. Яны ўсталявалі стандарт тэхна-музыкі і рэйв-культуры ва ўсім свеце. Berghain, у прыватнасці, стаў сінонімам берлінскай тэхна-сцэны, вядомай сваімі марафонскімі вечарынамі, строгай палітыкай да ўваходу.
Берлін вядомы культурнай талерантнасцю і ліберальным стаўленнем, якое распаўсюджваецца на начное жыццё. Горад даўно ахоплівае розныя стылі жыцця, стварае гасціннае асяроддзе для людзей з усіх слаёў грамадства. Гэтая інклюзіўнасць дазволіла тэхна і рэйв-культуры развівацца як прасторы, дзе кожны можа адчуваць сябе прынятым, незалежна ад свайго паходжання, сексуальнай арыентацыі або знешняга выгляду.
Берлінскі ўрад падтрымлівае рэйвы. Што?
У апошнія гады ўрад Берліна прызнаў культурную і эканамічную важнасць начнога жыцця горада. Напрыклад, клубную культуру падтрымлівала ініцыятыва Clubcommission. Clubcommission дапамагло абараніць унікальнае культурнае жыццё горада, каб тэхна і рэйв-культура застануцца цэнтральнымі ў ідэнтычнасці Берлін.
За апошнія гады Берлін стаў значным у сусветнай тэхна-культуры і зрабіў горад месца для паломніцтва аматараў гэтага стылю музыкі.