Шукаеце, што паглядзець у ціхі летні вечар? Мы знайшлі для вас пяць абсалютна розных фільмаў — ад лёгкіх камедый да натхняльных гісторый пра жыццё і падарожжы. Гэта кіно дапаможа пераключыцца, атрымаць хуткія эмоцыі і проста адпачыць з настроем.
PALATNO дае падборак на лета.
Змест
«Таемнае жыццё Уолтэра Міці» (The Secret Life of Walter Mitty)
Год: 2013
Сюжэт. Сціплы супрацоўнік часопіса ператвараецца ў героя, калі адпраўляецца ў падарожжа з Ісландыі да Гімалаяў, каб знайсці страчаны негатыў.
Навошта глядзець? Гэта натхняльны фільм пра тое, як перамагчы страх і жыць напоўніцу. І вас чакаюць сапраўды шыкоўныя краявіды!
«Капітан Фантастык» (Captain Fantastic)
Год: 2016
Сюжэт. Бацька гадуе сваіх дзяцей у лесе, амаль у поўнай ізаляцыі ад цывілізацыі. Аднак жыццё вымушае іх сутыкацца са «звычайным» светам.
Навошта глядзець? Гэты фільм — прыгода, драма і фільм-пытанне: як правільна жыць? Ідэальна падыходзіць для цёплага вечарам разам з сям’ёй.
«Маленькія жанчыны» (Little Women)
Год: 2019
Сюжэт. Гэта экранізацыя класічнага рамана пра чатырох сясцёр, пра іх мары, творчасць і каханне ў часы пасля Грамадзянскай вайны ў ЗША.
Навошта глядзець? Гэта цёплы фільм пра сям’ю, сталенне і выбар свайго шляху.
ЧЫТАЙЦЕ ЯШЧЭ:
Шпіёнскія серыялы: падборка для вашых выхадных
Фільмы жаху на выхадныя: падборка найлепшых за апошнія гады
Пяць сучасных кінастужак пра падлеткаў
«Лета 85» (Été 85)
Год: 2020
Сюжэт. Францыя, 1985 год. 16-гадовы Алексіс праводзіць лета на ўзбярэжжы і заводзіць яркае, рамантычнае знаёмства з чароўным Давідам. Аднак гэта лета стане для яго пераломным.
Навошта глядзець? Атмасфера 1980-х, эмоцыі першага кахання, свабода ля мора і зусім крыху драмы. Гэта кіно для тых, хто хоча паглядзець нешта пяшчотнае на выхадныя.
«Палм-Спрынгс» (Palm Springs)
Год: 2020
Сюжэт. Двое выпадкова трапляюць у часовую пятлю на вяселлі ў Палм-Спрынгс. Яны жывуць адзін і той жа дзень нанова — з гумарам, адчаем і паступовым паразуменнем.
Навошта глядзець? Гэты фільм — смешны, дынамічны, нязвыклы. Калі хочацца лёгкай камедыі з філасофскім падтэкстам, то гэты фільм для вас.