Існуе шмат серыялаў, якія даследуюць жыццё студэнтаў. У гэты раз мы сфакусіруемся толькі на адных з самых культавых у гісторыі: ад Community да Greek. А яшчэ мы ўспомнілі самыя не банальныя, але ўсё роўная легендарныя кінастужкі.
PALATNO расказвае пра восем займальных серыялаў пра ўніверсітэт.
Змест
«Суполка» (Community)
Гады: 2009-2015
Цікавосткі: вядомы сваім яскравым гумарам і шматлікімі спасылкамі да поп-культуры
У «Суполцы» мы знаёмімся з рознымі студэнтамі, які ходзяць у выдуманы Грындэйлскі кам’юніці-каледж. Галоўнага героя, Джэфа Уінгера, пазбаўляюць ліцэнзіі адваката, таму што яго дыплом аказаўся фальшывым. Ён вымушаны вярнуцца ў каледж, каб вярнуць сваю ліцэнзію.
«Фелісіці» (Felicity)
Гады: 1998-2002
Цікавосткі: рамантычны серыял пра сталенне, які вельмі добра ўспрынялі крытыкі і за адлюстраванне студэнцкага жыцця, і за дэманстрацыю асабістага росту гераіні
Серыял расказвае пра жыццё маладой жанчыны Фелісіці Портэр. Яна адмаўляецца да сваіх планаў вучыцца на доктара ў Стэнфардзе. Замест гэтага яна паступае ў Нью-Ёркскі ўніверсітэт разам са сваім школьным каханнем Бэнам Коўінгам.
Рашэнне Фелісіці нараджае яе канфлікт з бацькамі і прымушае яе сутыкнуцца з цяжкасцямі дарослага жыцця ў вялікім горадзе. На працягу серыялу Фелісіці сустракаецца з рознымі выклікамі, завязвае сяброўскія і рамантычныя адносіны, а таксама спрабуе знайсці сябе і сваё месца ў жыцці.
«Чараўнікі» (The Magicians)
Гады: 2015-2020
Цікавосткі: спалучае ў сабе элементы звычайнай студэнцкай драмы разам з незвычайнай фантастыкай
Фэнтазійны серыял экранізаваны па аднайменных кнігах пісьменніка Лева Гросмана. Галоўны герой па імені Квенцін Колдуотэр паступае ў таемны чарадзейскі ўніверсітэт, дзе вывучае магічную навуку. Квенцін вучыцца спраўляцца з небяспечнымі сіламі, палітычнымі інтрыгамі ў магічным свеце і сваімі ўласнымі асабістымі праблемамі.
«Нявызначаныя» (Undeclared)
Год: 2001
Цікавосткі: вядомы сваім дасціпным гумарам і адлюстраваннем рэальнага жыцця падчас вучобы ва ўніверсітэце ці каледжы
Серыял расказвае пра жыццё першакурснікаў падчас вучобы ў выдуманым універсітэце Паўночна-Усходняй Каліфорніі. Галоўны герой Стывен Карп паступіў ва ўніверсітэт і імкнецца знайсці сябе ў новым асяроддзі. Ён хутка заводзіць сяброў, якія пасля будуць дапамагаць яму і спраўляцца з вучобай, і наладзіць асабістае жыццё.
Кожная серыя паказвае розныя аспекты жыцця студэнтаў: вечарынкі, рамантычныя адносіны, вучобу і пошук уласнага шляху.
«Грык» (Greek)
Гады: 2007-2011
Цікавосткі: паказвае, якое жыццё студэнтам дынамічнае, а таксама пагружае ў амерыканскую сістэму адукацыю з брацтвамі і сястрыцтвамі
Як і ў іншых серыял, галоўныя падзеі адбываюцца ў выдуманым універсітэце. Галоўны акцэнт — на брацтвам і сястрыцтвах. Галоўны герой Расці Картрайт паступае ў каледж і вырашае далучыцца да брацтва, каб выйсці з ценю старэйшай сястры Кейсі.
Серыял паказвае штодзённыя перажыванні студэнтаў: вучоба, сяброўства, адносіны, канкурэнцыя. Разам з гэтым серыял яскрава падкрэслівае, як брацтвы і сястрыцтвы ўплываюць на жыцці тых, хто з’яўляецца іх членамі і каго туды не прымаюць.
«Паважаныя белыя людзі» (Dear White People)
Гады: 2017-2021
Цікавосткі: вострасацыяльны і даследуе расавыя праблемы
Сатырычны і драматычны серыял расказвае пра чарнаскурых студэнтаў, якія вучацца ў пераважна белым універсітэце. Серыял заснаваны на аднайменным фільме Джасціна Сім’ена. Цэнтральная фігура серыяла — студэнтка Саманта Уайт. Дзяўчына вядзе падкаст пад назвай «Dear White People», у якім абмяркоўвае праблемы расізму і культурнай няроўнасці ва ўніверсітэце.
«Як пазбегнуць пакарання за забойства» (How to Get Away with Murder)
Гады: 2014-2020
Цікавосткі: вядомы за добры сцэнарый з сюжэтнымі паваротамі і складаных, але добра прапісаных персанажаў
Гэты супер вядомы серыял створаны Шондай Раймс. Галоўная гераіня яго — прафесар і юрыст Аналіз Кітынг. Яна выкладае курс «Як пазбегнуць пакарання за забойства». Аналіз Кітынг — бліскучы адвакат са складаным лёсам. Разам з групай сваіх лепшых студэнтаў яна ў заблытаную справу, звязаную з забойствам. Жыццё студэнтаў, як і іх выкладчыцы, пасля гэтага змяняецца назаўсёды.
«Навічкі» (Fresh Meat)
Гады: 2011-2016
Цікавосткі: брытанскі серыял з выключна брытанскім гумарам
Брытанскі камедыйны серыял раскажа пра жыццё першакурснікаў, якія жывуць разам у студэнцкім доме ля свайго ўніверсітэта ў Манчэстары. У цэнтры ўвагі — шасцёра абсалютна розных, але цікавых персанажаў з розным лёсам.