Закінутыя будынкі і ракетныя шахты, Мядзведжая акадэмія, чаму пэўны час бачыў Лукашэнку часцей, чым маці, стэндап па-беларуску. Смаргонь з Паўлам Радзевічам — Гарады #9

У дзявятым эпізодзе падкаста «Гарады» на PALATNO Ігар Палынскі гутарыць са стэндап-комікам Паўлам Радзевічам, які нарадзіўся і вырас у Смаргоні.

Абмеркавалі гарадскі фальклор, абаранкі і гісторыю мядзведжай акадэміі, як мясцовыя ганялі ў Вільню, тусоўкі на Смаргоншчыне ў пачатку нулявых і чым у горадзе заняцца падлеткам.

Павел расказаў пра тое, чаму з’ехаў у Мінск, а пасля — у Беласток, як пачаў пісаць жарты і выступаць са стэндапам, як і чаму пачаў размаўляць па-беларуску і чаму важна захоўваць нацыянальную ідэнтычнасць.

А што б ён сказаў Юрыю Васкрасенскаму і старшыні Смаргонскага райвыканкама? Ці магчыма скрасці прадукты з «Еўраопта»? Што робяць хлопцы з роты ганаровай варты? Адказы — у падкасце.