0
Падзяліліся
Надышла восень, а значыць дзеці пайшлі ў школы, студэнты працягваюць адукацыю ва ўніверсітэтах, а дарослыя… працуюць. А чаму б не абстрагавацца ад будучай восеньскай хандры і не паразгадваць беларускія загадкі? І мы так падумалі.
Паспрабуйце разгадаць загадкі ад PALATNO.
ЯШЧЭ БОЛЬШ ЗАГАДАК:
Дзесяць беларускіх загадак, якія вы адгадаеце не адразу
Беларускія загадкі — пра чалавека, рэчы, прыроду і жывёл
«Белы, а не цукар». Загадкі пра зіму з адгадкамі
Загадкі па-беларуску пра вясну з адгадкамі: паспей загадаць!
Навядзіце курсор мышы на загадку (або націсніце на яе, калі вы з мабільнай прылады), каб убачыць адказ на яе.
Мяне рэжуць, мяне б’юць, а я за гэта не злуюся, яшчэ лепей станаўлюся.ГлебаБез ног бяжыць, без рук грукоча.Вецер
Насупіцца, нахмурыцца, у слёзы ўдарыцца — нічога не застанецца.Хмара
Мяне ўсе просяць, мяне ўсе чакаюць, а як толькі з’яўлюся, хавацца пачынаюць.Дождж
Малы малышак упаў з вышак, не так забіўся, як шапкі забыўся.Жолуд
Без рук, без сякеры, зроблена хата і дзверы.Гняздо
Ляцеў птах цераз дах, сеў на варотах у чырвоных ботах.Бусел
Што без вады плавае?Воблака
Хто на сабе хату носіць?Слімак
А з-пад куста шыпуляе і за нагу шчыпуляе.Вуж
Ноччу маўчыць, удзень гамоніць, маці другая, дзяцей навучае.Школа
Які бацька кожны дзень дзяцей пералічвае?Настаўнік
У школе перажывае, шмат гаспадароў мае, штогод іх мяняе і ўсім дапамагае.Парта
Хто яго сее, той і разумее.Кніга
З выгляду — мячык на восі стаячай, а сіла такая — усю зямлю трымае.Глобус
Што такое перад намі: дзве аглоблі за вушамі, на глазу па калясу і сядзёлка на насу.Акуляры
Што ў Адама наперадзе, а ў Евы ззаду?Літара «А»